నవయుగ కవి చక్రవర్తి గుర్రం జాషువా సేవలు చిరస్మరణీయం: డాక్టర్ కుక్కమూడి ప్రసాద్

VM Today News - రాజకీయం / పల్నాడు : నవయుగ కవి చక్రవర్తి మహాకవి గుర్రం జాషువా సేవలు చిరస్మరణీయమని దళిత బహుజన సంక్షేమ సేవా సంఘం రాష్ట్ర అధ్యక్షులు మరియు పల్నాడు జిల్లా ఎస్సీ ఎస్టీ విజిలెన్స్ అండ్ మానిటరింగ్ కమిటీ మెంబర్ డాక్టర్ అన్నారు. మహాకవి గుర్రం జాషువా 131వ జయంతి సందర్భంగా సోమవారం మాచర్ల పట్టణంలోని ఆయన విగ్రహానికి కుక్కమూడి ప్రసాద్ ఆధ్వర్యంలో దళిత ప్రజా సంఘాలతో కలసి పూలమాలలు వేసి ఘనంగా నివాళులర్పించారు. ఈ సందర్భంగా ప్రసాద్ మాట్లాడుతూ తెలుగుజాతి కీర్తి ప్రతిష్టలను తన రచనలు, కవిత్వం ద్వారా ప్రపంచానికి చాటి చెప్పిన మహాకవి గుర్రం జాషువా అని, సమాజంలోని అంటరానితనం , అస్వృశ్యత, కులవివక్షను నిర్మూలించడానికి తన యొక్క కవిత్వాన్ని ఆయుధంగా చేసుకొని పోరాడిన సామాజిక విప్లవకారుడు మహాకవి గుర్రం జాషువా అని ఆయన సేవలను కొనియాడారు. ఆయన అందించిన సేవలకు భారత ప్రభుత్వం కేంద్ర సాహిత్య అకాడమీ అవార్డు పద్మభూషణ్ అనేకమైనటువంటి బిరుదులను ఇవ్వటం జరిగిందని తన రచనలు కవిత్వం ద్వారా ఈ సమాజాన్ని మేల్కొల్పినటువంటి వ్యక్తి గుర్రం జాషువా అని యువత ఆయన యొక్క రచనలను కవిత్వాన్ని స్ఫూర్తిగా తీసుకొని సమ సమాజ స్థాపనకు కృషి చేయాలని ప్రసాద్ అన్నారు . శ్రీ వీరబ్రహ్మేంద్ర జాతీయ ప్రజా హక్కుల పరిరక్షణ సమితి వ్యవస్థాపక అధ్యక్షులు గురజాల అప్పారావు మాట్లాడుతూ గుర్రం జాషువా గారి జయంతి కార్యక్రమంలో పాల్గొని ఆయనకు నివాళులర్పించటం గర్వంగా ఉందని ఇలాంటి మహాకవులను ప్రతి ఒక్కరూ జ్ఞాపకం చేసుకొని సమాజంలోనే అంటరానితనం నిర్మూలన కోసం కృషి చేయాలన్నారు. బీసీ నవ చైతన్య వేదిక పల్నాడు జిల్లా అధ్యక్షులు బొడ్డుపల్లి ఈశ్వరయ్య మాట్లాడుతూ గుర్రం జాషువా గారిని స్మరించుకోవడం సంతోషంగా ఉందని ఆయన యొక్క ఆశయాలను సిద్ధాంతాలను ప్రతి ఒక్కరూ ముందుకు తీసుకువెళ్లాలని ఆయన అన్నారు