15 వేల రూపాయలు పింఛన్ మంజూరు చేయాలని జిల్లా కలెక్టర్ డాక్టర్ కృతిక శుక్లాకు డివిఎంసి మెంబర్ . డాక్టర్ కుక్కమూడి ప్రసాద్ విజ్ఞప్తి
VM Today News - వార్తలు / పల్నాడు : దుర్గి మండలం చంద్ర కుంట తండా సుగాలి కులానికి చెందిన హర్షవర్ధన్ నాయక్ వయస్సు 8 సంవత్సరాలు మెంటల్ రిటార్డేషన్ (జీవితకాలం బుద్ధి మాణ్యత) వైకల్యంతో బాధపడుతూ మంచానికే పరిమితమై ఇబ్బందులు పడుతున్నాడని సదరం సర్టిఫికెట్ 100% ఉన్న అతనికి 6000 రూపాయలు పింఛన్ మాత్రమే వస్తుందని ప్రభుత్వ నిబంధనల ప్రకారం శాశ్వతంగా మంచానికి పరిమితమై 100% సదరం సర్టిఫికెట్ ఉన్నవారికి 15 వేల రూపాయలు పించన్ ఇచ్చే విధంగా నిబంధనలు ఉన్నాయని హర్షవర్ధన్ నాయక్ కు 15వేల రూపాయల పింఛన్ మంజూరు చేయాలని పల్నాడు జిల్లా ఎస్సీ ఎస్టీ విజిలెన్స్ అండ్ మానిటరింగ్ కమిటీ మెంబర్ డాక్టర్ కుక్కమూడి ప్రసాద్ జిల్లా కలెక్టర్ కృత్తిక శుక్ల కు విజ్ఞప్తి చేశారు. సోమవారం పల్నాడు జిల్లా నరసరావుపేట లోని కలెక్టరేట్ లో జరిగిన ప్రజా సమస్యల పరిష్కార వేదిక కార్యక్రమంలో ఆయన బాధితులతో కలిసి కలెక్టర్ కు అర్జీ అందజేశారు. కలెక్టర్ సమస్యపై సానుకూలంగా స్పందించి DMHO ను పిలిపించి ఆయనతో మాట్లాడి సమస్యను పరిష్కరించేలా చూడాలని కలెక్టర్ ఆయనకు తెలియజేశారని ప్రసాద్ అన్నారు. ఈ కార్యక్రమంలో ప్రసాద్ తో పాటు హర్షవర్ధన్ నాయక్ తల్లిదండ్రులు ఉన్నారు.
Admin
VMToday News
మరిన్ని వార్తలు
Developed By :
