ఆటో బోల్తా ప్రయాణికులకు గాయాలు
VM Today News - వార్తలు / ప్రకాశం : వినుకొండ పట్టణంలోని ముళ్లమూరు బస్టాండ్ సమీపంలో శనివారం రోడ్డు ప్రమాదం చోటుచేసుకుంది. వేగంగా వెళ్తున్న ఆటో టైర్ ఒక్కసారిగా ఊడిపోవడంతో వాహనం అదుపుతప్పి రోడ్డుపై తిరగబడింది. ప్రమాద సమయంలో ఆటోలో పలువురు ప్రయాణికులు ఉండటంతో పలువురు గాయపడ్డారు. నరగాయపాలెం గ్రామానికి చెందిన నాలుగు నెలల గర్భిణీ శిరీష తీవ్రంగా గాయపడింది. ఆటోలో ఉన్న ముగ్గురు చిన్నారులు, మరో ఇద్దరు వ్యక్తులు కూడా గాయపడ్డారు. స్థానికులు వెంటనే స్పందించి గాయపడిన వారిని బయటకు తీసి ప్రాథమిక చికిత్స అందించారు. తరువాత వారిని వినుకొండలోని ప్రైవేట్ ఆస్పత్రికి తరలించారు. వైద్యులు గాయపడిన వారికి చికిత్స అందిస్తూ గర్భిణీ పరిస్థితిని ప్రత్యేకంగా పర్యవేక్షిస్తున్నారు. పోలీసులు కేసు నమోదు చేసి టైర్ ఊడిపోవడానికి గల కారణాలపై దర్యాప్తు ప్రారంభించారు. ప్రమాదంతో కొంతసేపు ట్రాఫిక్ అంతరాయం కలగగా, పోలీసులు రాకపోకలను సవ్యంగా మళ్లించారు.
Reporter
VMToday News
మరిన్ని వార్తలు
Developed By :
